Videos

جاليتنا المسلمة المستهدفة وهجمات نيوزلندا – Targeting Our Muslim Community & #ChristChurch Attacks


جاليتنا المسلمة المستهدفة وهجمات نيوزلندا

رسالة لجاليتنا و أهلنا و حبايبنا في كل مكان
صار لي فترة عم احكي عن انبياء في ارض الغربة و اليوم بدي احكي قصة أنبياء عاشوا في خطر و تهديد دائم على حياتهم و على أولادهم و ممتلكاتهم..
هيدول الانبياء يذكرونا بالمسلمين في عصرنا الذين هربوا من ظلم البلاد العربية و احتلالها و حروبها الاهلية و تجويع شعبها إلى أحضان الكراهية و العنصرية في الغرب، من ترامب في أمريكا إلى العنصري النازي المتطرف اللي قتل بدم بارد المصلين الامنين في صلاة الجمعة 15 مارس 2019
هيدوا الانبياء ممكن يخافوا لأن الانسان بشر عنده مشاعر، لكن ما بخلي الخوف يتحكم بتصرفاته و يعطل تفكيره
بالقرآن ربنا بقول:
الذين قال لهم الناس إن الناس قد جمعوا لكم فاخشوهم فزادهم إيمانا و قالوا حسبنا الله ونعم الوكيل
هيدي الاية نزلت بعد معركة أحد، ما كانت هزيمة عادية للمسلمين قدام قريش، 70 شهيد / و النبي صلى الله عليه و سلم كان ح يتقتل و الناس فكرت انه انقتل/ و حمزة استشهد و فظعوا الناس بجثته
إنما ذلك الشيطان يخوف أولياءه فلا تخافوهم و خافون إن كنتم مؤمنين

بس المؤمنين و الصحابة رفضوا أن يخافوا، كفوا حياتهم بحزن لكن بشجاعة، ما خلوا الاحداث تفرقهم و يتخانقوا و يبلشوا يقولوا خسرنا بسبب فلان و علان
الناس عم تقول ان الارض كلها بتكرهكم و بدها تقتلكم – فزادهم إيمانا و قالوا حسبنا الله و نعم الوكيل
1- ما تخلي الخوف يعطل تفكيرك.
ما تساهم بنشر الخوف
ما تنشر فيديو عن حوادث القتل
ارفع الروح المعنوية للناس حولك
2- قول دايما: حسبنا الله ونعم الوكيل
3- الدنيا مش دايمة لحدان. الناس اللي تركت بلادنا و اجت على الغرب لأنه فكرت الغرب ما في حروب و ما في قتل
الدنيا هي صالة انتظار للاخرة
المصائب اللي بتصير مش لأنه الله مش شايف و مش عارف
المصيبة هيدي متل غيرها هي رحلة للاخرة و نيال الناس اللي بتستشهد الجمعة هي و عم تصلي
4- هيدا وقت نتوحد و نقرب أكثر من ربنا و من المساجد و من الجمعيات الخيرية. الجلوس خلف شاشة التلفون و الكمبيوتر و ندب حظنا و الشكوى على واقعنا مش هو الحل . الحل انك تبدأ تقرأ – تبدأ تتعلم لغة أجنبية – تبدأ تشتغل مع غيرك و تتعلم كيف تكون Team player
5- كلنا مسؤولين عن توصيل رسالة الاسلام الصحيحة للناس. مش من وراء الشاشة و التلفون و السوشال ميديا . بس على الارض و مع الناس . مع اولادنا اولا و جاليتنا و اهلنا و بعدين مع الناس كلها

Tags

Related Articles

2 Comments

  1. للأسف الشديد حتى في امريكا مسلمين مفترقيين جالية صومالية في صوب وجاليه مصرية في صوب لازم جاليه عربية يجتمعو ويتحدو ويصنعو لوبي اسلامي

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Check Also

Close
Back to top button
%d bloggers like this: