شاركت اليوم في مظاهرة دعم الشعب اللبناني في مدينة ديربورن بولاية ميشجان الاميركية
الكلمات و الالحان من الاستاذ إبراهيم الأحمد
(رابط النشيد الاساسي )
https://www.youtube.com/watch?v=kO4-4ZVfr0g
اعطوني فرصة وبلا جرصة بس خلوني ضل …. طب شوفولي حل
اعطوني مهلة صغيرة وسهلة بجيب الكهرباء… … واللي خربها
الله يوفقكم .. ما عاد اسرقكم … الله يوفقكم .. ما عاد اسرقكم
اعطوني مدة و هيدا البدة بشيل الضرايب .. نبقى حبايب
اعطوني شوي بجيب المي و بمنع الفساد .. و بلغي الاستبداد
الله يوفقكم .. ما عاد اسرقكم … الله يوفقكم .. ما عاد اسرقكم
عندي خطة و ما لح نطها بس وقفولي سب .. بجيب الواتس اب
عطوني نتفة بخلي الكلفة أرخص من زمان .. يا شعب لبنان
الله يوفقكم .. ما عاد اسرقكم … الله يوفقكم .. ما عاد اسرقكم
عطوني دقيقة وبلا نيقة بصلح الاوضاع … و الحق اللي ضاع
عطوني وقت و هلق فقت بشيل النفايات …. بصلح الطرقات
الله يوفقكم .. ما عاد اسرقكم … الله يوفقكم .. ما عاد اسرقكم
عطوني يوم بشيل هموم بزبط بالبلد … بصدق بالوعد
عطوني لحظة ومنا مزحة برجع المسروق …. والوضع بروق
الله يوفقكم .. ما عاد اسرقكم … الله يوفقكم .. ما عاد اسرقكم
